I bi z kabut

vö sii

z kompliziert

jez wonis uf de Huut i de Hand und im Herz träg

 

si lerned mi kenne

gnüsed mi

und wenn d Störige inne flüüsed

sii tangiered

vebrened si sich d Huut

 

i vebrenn iri Huut

i füeg ine Schmerz zue

i veletz sii mit mine veletzige

 

und si ziend sich zrug

 

weg vo de Flamme

weg vo de Störig

weg vo miir

 

er seit es heg nöd nu mit dem z tue

dä Satz hani inzwüsche scho so oft ghört dasi en nüm würkli glaub

und i froog mi obi ällei bliibe mue

damiti di erlebt Gwalt nöd wiiter gib

wie ä gfäss mit Gifft

damit z nöd is Grundwasso flüüst

und i vesuechs z hebe

vesuech mini Veantwortig vö mini Veletzig mini Störige z träge

und da isch mega streng

und es tuet mo wee

dur de schleier vo de Medi gspühri wi sich d Truur i mio staut

wini möcht brüele

und doch gad nöd cha

einsam müed